Media propaganduese ruse në Serbi, Sputnik ka lëshuar një propagandë të re.
Sipas spekulimeve të Sputnikut, aktivitetet diplomatike të presidentit serb Aleksandar Vuçiqit arritën t’a largojnë pikën për vendosjen e detyrueshme të sanksioneve kundër Rusisë nga teksti i përbashkët që pjesëmarrësit e Samitit Ukrainë-Evropa Juglindore duhet të nënshkruajnë sot në Dubrovnik.
Dezinformomi i medias ruse që ka shtrirje të madhe në Serbi, nuk ndalet këtu. Sipas propagandës së Sputnik në burime diplomatike pranë Samitit në Dubrovnik, termi “pushtimi i Krimesë” u hoq nga dokumenti me insistimin e presidentit serb.
“Gjithashtu, për shkak të luftës diplomatike të Serbisë, nga teksti i propozuar është hequr fjalia për “mbështetje të detyrueshme ushtarake për Ukrainën””, spekulon mediumi.
Mediumi në fjalë, ka lëshuar edhe një spekulim rreth Kosovës dhe pjesëmarrjes së presidentes kosovare Vjosa Osmani në këtë samit, shkruan Gazeta Express.
Sputnik shkruan se Serbia sigurisht nuk do ta nënshkruajë këtë dokument në Dubrovnik nëse nën të nënshkruan edhe Vjosa Osmani, presidentja e Kosovës.
