Koordinatori i grupit të punës të Konventës Kombëtare serbe për BE-në për Kapitullin 35, Dragisha Mijaçiq, ka thënë se disa gjëra në Serbi nuk janë bërë publike nga marrëveshja e Brukselit e vitit 2013.
Mijaçiq thotë se dy gjëra të rëndësishme që nuk i janë shpjeguar plotësisht opinionit serb.
“Duke pranuar Marrëveshjen e Brukselit në vitin 2013, Serbia njohu rendin kushtetues dhe ligjor të Kosovës në të gjithë territorin e saj. Kjo do të thotë që Serbia e njohu republikën e pavarur të Kosovës që ajo mund të krijojë të gjitha institucionet e saj në të gjithë territorin e Kosovës, përfshirë veriun, dhe njohu të drejtën e Prishtinës për të marrë pjesë në organizatat rajonale. Nga këtu vjen mbyllja e institucioneve, dhe kjo u bë e mundur veçanërisht nga tërheqja e serbëve nga ato institucione”, ka thënë Mijaçiq për televizionin “N1”.
Tutje ai thotë se “me marrëveshjen franko-gjermane, Serbia njohu subjektivitetin ndërkombëtar të Kosovës dhe lejoi që Kosova të pranohet në organizatat ndërkombëtare”.
Ai shtoi se gjëja kryesore në muajt e ardhshëm do të jetë, derisa të organizohen zgjedhjet lokale në Kosovë në tetor.
Sipas tij, “vakumi institucional deri në zgjedhje do të përdoret nga institucionet në Kosovë për të mbyllur të gjitha institucionet lokale në veri që financohen nga buxheti i Serbisë”.
