Milani po shton përpjekjet për të siguruar nënshkrimin e Santiago Gimenez nga Feyenoordi, ndërsa CEO, Giorgio Furlani, po përpiqet personalisht të zhbllokojë negociatat. Sulmuesi meksikan i lindur në vitin 2001 mbetet objektivi kryesor për repartin ofensiv të kuqezinjve.
Sipas burimeve pranë klubit holandez, Feyenoordi nuk e ka pritur mirë presionin e lojtarit për të kaluar te Milani, duke u treguar i ashpër në negociata. Për këtë arsye, Furlani po mundohet ta finalizojë marrëveshën gjatë këtyre orëve vendimtare.
Oferta e Milanit
Sipas ‘Sky Sport’, Milani ka ofruar 32 milionë euro plus bonuse. Aktualisht, palët po diskutojnë strukturën e bonuseve, duke u përpjekur që ato të jenë më të arritshme dhe t’i afrohen kërkesave të Feyenoordit.
Reagimi i trajnerit të Feyenoordit, Brian Priske
Në konferencën për shtyp para ndeshjes me Ajaxin, trajneri i Feyenoordit Brian Priske foli për të ardhmen e Gimenez:
“Si trajner, unë duhet të jap maksimumin me lojtarët që kam në dispozicion. Kam një marrëdhënie shumë të mirë pune me drejtorin sportiv Dennis te Kloese dhe jemi në të njëjtën linjë mendimi. Ai bën atë që është më e mira për klubin, edhe kur bëhet fjalë për një largim të mundshëm të Gimenez”.s.n.
