Ministri i Mbrojtjes, Ejup Maqedonci mori pjesë në ceremoninë e shënimit të 210-të vjetorit të krijimit të trupës së karabinierëve, përcjell Kosova Post.
Maqedonis ishte i ftuar nga komandanti i MSU KFOR, kolonel, Massimo Rosati.
Me këtë rast, Maqedonci falënderoi kolonelin Rosati dhe autoriteteve të tjera, për kontributin e vlefshëm që trupat italiane kanë dhënë në kuadër të misionit të KFOR-it.
Postimi i plotë i Maqedoncit në Facebook:
Me ftesë të komandantit të MSU KFOR, Kolonel Massimo Rosati, dje kisha kënaqësinë që të marr pjesë në ceremoninë e shënimit të 210 vjetorit të krijimit të trupës së Karabinierëve.
Kolonelit Rosati dhe autoriteteve të tjera të pranishme në këtë ceremoni u shpreha falenderimin për kontributin e vlefshëm që trupat italiane kanë dhënë në kuadër të misionit të KFOR, e në këtë kontekst kontributi i trupës së karabinierëve ka pasur dhe ka rëndësi të veçantë në ambientin e sigurisë në Republikën e Kosovës.
