Ministrja e Drejtësisë, Albulena Haxhiu, ka kërkuar përkrahje nga ndërkombëtarët në aksionet që kanë për qëllim shtrirjen e sovranitetit dhe vendosjen e rendit dhe ligjit në veri të vendit.
Pas reagimeve të ndërkombëtarëve në lidhje me aksionet e fundit në veri të vendit, ministrja Haxhiu ka thënë se aksione të tilla kanë për synim mbrojtjen e integritetit territorial të vendit. Ajo ka theksuar se për ta bërë këtë, duhet angazhim dhe përkrahje edhe nga bashkësia ndërkombëtare.
“Besoj që edhe miqtë e partnerët tanë, aksionet të cilat janë në përputhje me legjislacionin në fuqi që kanë për qëllim shtrirjen e rendit ligjit më çdo pjesë të territorit të Kosovës, duhet që t’i mbështesin dhe të na ndihmojnë në këtë përpjekje. Sigurisht që ne në vazhdimësi kemi komunikime me partnerët tanë dhe sigurisht që ne si Qeveri e Kosovës do të angazhohemi që përditë në veriun e vendit tonë të këtë rend e rregull, të këtë veprim të ligjit të institucioneve dhe jo veprime ilegale sepse ju e keni parë që ato assesi nuk do të tolerohen”, ka thënë Haxhiu, shkruan rtk.Aksioni i institucioneve të Kosovës për mbylljen e gjashtë institucioneve financiare serbe që vepronin ilegalisht në veri, u kritikua nga faktori ndërkombëtarët.
