Ministrja e Arsimit, Arbërie Nagavci ka pritur në takim udhëheqësen e zyrës së Agjencisë Austriake për zhvillim në Kosovë(ADA), Sandra Horina dhe drejtorin e programeve në ADA, Heinz Habertheuer.
Gjatë këtij takimi, Nagavci i ka falënderuar për gjithë mbështetjen që Austria ka dhënë më shumë se 20 vite për Kosovën, e veçanërisht për kontributin e jashtëzakonshëm në sektorin e arsimit.
Ndër të tjera, në takim ndër të tjera është diskutuar edhe thirrjen për grante, mbështetjen e mësimdhënies së bazuar në punë hulumtuese skemë e cila financohet nga buxheti i Republikës së Kosovës dhe Projekti HEI’25.
Gjithashtu gjatë diskutimeve është përmendur edhe arsimi dual, digjitalizimin në arsim, Ligjin për arsimin e lartë i cili ndodhet në Kuvend dhe shumë cështje tjera me rëndësi në fushën e arsimit.
Bashkëpunimi me Austrinë do të vazhdojë tutje në arsimin dhe aftësimin profesional, në fushën e shkencës, hulumtimeve e punës kërkimore.
