Java e re po fillon vende-vende me mjegull në mëngjes, ndërsa gjatë ditës do të kemi rritje të konsiderueshme të temperaturave. Parashihen alternime mes vranësirave e intervaleve kohore me diell dhe rrymime të ngrohta ajrore nga jugu e jugperëndimi.
Thellë në veriperëndim dhe ndoshta edhe në perëndim të vendit mund të ketë ndonjë reshje të dobët shiu. Temperaturat nga 0 deri në 14 apo 15 gradë Celsius.
Në Shqipëri, Maqedoninë, Luginë të Preshevës dhe Mal të Zi nesër pritet të mbajë mot me diell dhe vranësira të cilat në veri të Shqipërisë dhe Mal të Zi mund të kushtëzojnë ndonjë rigë të dobët shiu. Temperaturat në rritje për shkak të depërtimit të ajrit dukshëm më të ngrohtë nga Mesdheu.
Edhe të Martën na pret mot i ngrohtë për këtë periudhë kohore dhe me shumë rreze diellore, por edhe me shtim lokal të vranësirave, ndërsa të Mërkurën do të kemi shtim të konsiderueshëm, vranësirave dhe vende-vende me reshje e rrebeshe shiu. Reshje më intensive priten në Mal të Zi dhe disa rajone të Shqipërisë ku priten rrebeshe me vetëtima dhe bubullimë. Reshje lokale shiu gjatë ditës së Mërkurë do të përfshijnë edhe shumë pjesë të Kosovës dhe disa pjesë të Maqedonisë së Veriut e Luginës së Preshevës.
