Sot në Kosovë parashihet të mbajë mot me vranësira e intervale kohore me diell, pas rrebesheve të shiut me vetëtima dhe bubullimë që priten gjatë kësaj nate dhe mëngjesit të hershëm, pra reshjet parashihet të pushojnë gjatë mëngjesit ose paradites për të vijuar dita me intervale kohore me diell.
Temperaturat do të shënojnë ulje dhe pritet një ditë e freskët për shkak të erërave të freskëta nga veriu e veriperëndimi.
Në Shqipëri po ashtu sonte gjatë natës priten rrebeshe lokale shiu me vetëtima dhe bubullimë dhe freskim i motit. Rrebeshet nuk do të kapin tërë territorin e Shqipërisë. Gjatë ditës nesër priten intervale kohore me diell por temperaturat do të pësojnë ulje. Rrebeshe lokale gjatë natës dhe mëngjesit priten edhe në Maqedoninë Veriore, Luginë të Preshevës dhe Mal të Zi, kurse nesër gjatë ditës pritet përmirësim gradual i motit. Më së shumti rrebeshe shiu sipas parashikimeve sonte deri në mëngjes priten në Kosovë.
Për fundjavë na pret mot me diell dhe vranësira lokale. Reshje atmosferike nuk pritet të ketë ndërsa temperaturat pritet të ngriten.
Rrebeshe të reja kalimtare pritet të kemi të hënën.
