Deputeti i Vetëvendosjes, Armend Muja, ka thënë se Vetëvendosja ka përmirësuar ligjet në sistemin e drejtësisë, në këto dy vite pushtet.
Ai ka thënë se është arritur efikasiteti e sidomos me formimin e Gjykatës Komerciale
“Në kuptimin politik neve na kërkohen ligjet, ligjet me i përmirësu. Dhe unë besoj i kemi bo jashtëzakonisht shpejt. Mund të gjykohen cilat kanë qenë ligjet, a janë realizu ato çka janë premtu. Dhe kjo është e matshme”.
“E dyta është efikasiteti i sistemit. Ne si mandatarë politik po ashtu një nga ankesat kryesore në të kaluarën është që sistemi i drejtësisë është pak i ngadalshëm në administrimin e të gjitha rasteve. Kjo nuk ka të bëjë me ndërhuyrje por me përgjegjësinë tonë me e shtu efiçiencën dhe rastet të procesohen më shpejt sepse kjo na takon dhe është e drejtë e jona me lyp përmirësime”.
“E treta ka qenë formimi i Gjyaktës Komerciale pasi ka qenë përj kërkesave kryesore të komunitetit biznesor dhe një nga ankesat kryesore, se për shkak se kjo siguron pasiguri pronësore, kërkesa ka qenë me formu. E kemi formu dhe është funksionalizu”, ka thënë Muja në Këndin e Debatit në Tëvë 1.
I pyetur për ndikimin e mundshëm politik në Byronë për Konfiskimin e Pasurisë së Pajustifikueshme, Muja ka thënë se drejtori do të zgjidhet ai apo ajo që propozohet nga institucionet e pavarura.
“Zgjedhjen e drejtorit nuk e bën parlamenti, e përbën një panel prej 5 vetash, Avokati i Populit, Drejtori i Doganës, Drejtori i Antikorrupsionit. Pra ata propozojnë emrat dhe Kuvendi ka të drejtë me zgjedh në mesin e tyre. Ne zgjedhim vetëm ata që na propozojnë. Nëse Kuvendi nuk e zgjedh dikon me automatizëm shkon propozimi i institucioneve të pavarura”, ka thënë Muja.
