Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 5 nëntor, transmeton Kosova Post.
5 nëntor 1605 – U zbulua komploti i katolikëve britanikë, të cilët synonin të vrisnin Mbretin James I, aristokratët protestantë dhe të shkatërronin Parlamentin. Atentatori Guy Fawkes u kap disa çaste përpara se të hidhte në erë selinë e Parlamentit në Pallatin “Westminster” dhe u var. Ky rast përmendet në historinë politike të Britanisë si “Komploti i Barutit” dhe dështimi i tij festohet çdo vit.
5 nëntor 1922 – Delegacioni i Kuvendit të Madh Popullor të Turqisë, nën drejtimin e Ismet Pashës, u nis drejt Zvicrës për të marrë pjesë në Konferencën e Paqes së Lozanës.
5 nëntor 1986 – U lejua rindërtimi i Patrikanës Ortodokse Fanariote të Stambollit, objektet historike të së cilës ishin jashtë përdorimit për shkak të zjarrit që i shkrumboi në vitin 1941.
5 nëntor 1991 – Një vërshim i madh në Filipine u mori jetën rreth 7.000 personave.
5 nëntor 2006 – Saddam Hussein, presidenti i rrëzuar i Irakut, Barzan Ibrahim al-Tikriti dhe Awad Hamed al-Bandar u dënuan me vdekje për masakrimin e 148 shiitëve irakianë në Dujail gjatë vitit 1982. Saddam Husseini u ekzekutua në Bagdad më datë 30 dhjetor.
5 nëntor 2006 – U nda nga jeta në Spitalin GATA të Ankarasë ish-kryeministri i Turqisë, Bulent Ecevit, i cili u bë i famshëm botërisht me Operacionin e Paqes në Qipros, në vitin 1974.