Ish-deputeti i Kuvendit të Kosovës, Rrustem Mustafa thotë se presidenti i Serbisë, Aleksandar Vuçiq mund të provojë të “eksportojë problemet e brendshme jashtë Serbisë”.
Taktikë kjo, sipas Mustafës, e njohur historikisht nga liderët serbë kur ndihen të kërcënuar në pushtet.
Megjithatë, sipas tij “kjo mundësi tashmë është marrë seriozisht nga NATO dhe mekanizmat e tjerë të sigurisë në rajon, të cilët janë të njoftuar dhe të përgatitur për çdo përpjekje për destabilizim nga jashtë”.
Mustafa ka kujtuar mënyrën si vepronte Sllobodan Millosheviq kur pushteti tij në Beograd lëkundej.
“Në atë kohë, ai shpërndante konflikte në rajon, përfshirë Kosovën dhe vende të tjera, për të shmangur vëmendjen nga krizat e brendshme”, ka shkruar Mustafa në Facebook.
