Pas një sëmundje të rëndë ka ndërruar jetë veterani i UÇK-së dhe infermieri, Skender Hoti, përcjell Kosova Post.
Lajmin për vdekjen e tij e ka bërë të ditur Kryetari i Komunës së Rahovecit, Smajl Latifi, i cili shpreh ngushëllime familjarëve, farefisit, miqve e kolegëve.
Kujtojmë se Hoti ka qenë luftëtar i UÇK-së në zonën e Rahovecit, ndërsa pas luftës ai për disa vite ka shërbyer si infermier në Qendrën e Mjekësisë Familjare në Ratkoc.
Postimi i plotë i kryetarit Latifi në Facebook:
Pas një sëmundjeje të rëndë, u nda nga jeta veterani i UÇK-së, Skender Sokol Hoti, nga fshati Ratkoc.
Kontributi i Skenderit në luftën për liri, por edhe pas luftës në fushën e shëndetësisë si infermier në Qendrën e Mjekësisë Familjare në Ratkoc, është shumë i madh dhe asnjëherë nuk do të harrohet.
Me këtë rast, u shpreh ngushëllimet më të sinqerta familjes së ngushtë të Skenderit, vëllezërve të tij, farefisit, miqve, kolegëve nga QKMF-ja në Rahovec dhe të gjithë bashkëluftëtarëve!
Mbahuni të fortë!
Pushofsh në paqe, Skender!
Të qoftë i lehtë dheu i kësaj toke!
