Aksionet amerikane pritet të rriten pas atentatit ndaj ish-presidentit Donald Trump gjatë fundjavës, pasi analistët thonë se gjasat për fitoren e tij në nëntor janë rritur gjithashtu.
Gjithashtu edhe kontratat në SHBA janë rritur pasi investitorët u shprehën optimist ndaj perspektivës së një presidence të dytë të Trump, tha Rob Casey, partner në firmën këshilluese të tregut Signum Global Advisors, për “Squawk Box Europe” të CNBC.
Bitcoin u rrit me 5% të hënën duke arritur në 63,000 dollarë.
“Ngjarjet e së shtunës, kanë forcuar mundësinë që Presidenti Donald Trump të fitojë zgjedhjet në nëntor. Unë mendoj se kjo është ajo për të cilën tregjet reaguan”, tha Casey.
Brian Gardner, inxhinier në Stifel, parashikoi një rritje të shkurtër për aksionet.
“Ne mendojmë se investitorët do të bien dakord me vlerësimin tonë se përpjekja për vrasjen e Donald Trump rrit shanset e tij për të fituar zgjedhjet presidenciale,” theksoi ai.
Bursa e Nju Jorkut u mbyll me fitime mbrëmjen e djeshme, ku indeksi Dow Jones u ngrit në një nivel historik, në vazhdën e atentatit ndaj kandidatit republikan për presidencën e SHBA-së, Donald Trump.
Në veçanti, indeksi i industrisë Dow Jones u mbyll me një rritje prej 210,82 pikësh (+0,53%), në 40,211,72 pikë. Indeksi Nasdaq, i cili dominohet nga aksionet e kompanive në sektorin e teknologjisë, u mbyll me një rritje prej 74,12 pikësh (+0,40%), në 18,472,57 pikë.
Shanset e Trump për fitore po rriten
Sondazhet treguan se Trump ruan epërsinë e tij ndaj Presidentit Joe Biden pas të shtënave në një tubim republikan në Pensilvani.
BMI, pjesë e Fitch Solutions, tha se shanset e Trump për të fituar zgjedhjet ishin rritur ndjeshëm, gjë që “mund të jetë pozitive përpara zgjedhjeve pasi zvogëlon pasigurinë zgjedhore”.
Por shtoi se çdo moment ka të ngjarë të zbehet.
Guillaume Menuet, kreu i strategjisë së investimeve dhe ekonomisë në Citi Global Wealth, ka shprehur gjithashtu të njëjtën gjë. Ai tha për CNBC se ngjarjet e fundjavës ka të ngjarë të nxisin tregjet për “disa ditë” përpara se vëmendja e investitorëve të kthehet në ekonominë reale
“Këto ngjarje, sado fatkeqe sa janë për sa i përket ndryshimeve politike, nuk ndryshojnë realisht drejtimin e tregjeve globale dhe ekonomisë globale”, tha ai.
Rreziqet e politikës së Trump për tregjet europiane dhe aziatike
Në të vërtetë, me më shumë se tre muaj deri në zgjedhjet e 5 nëntorit, Casey tha se ishte shumë herët për të bërë një thirrje për ndikimin afatgjatë në treg, me një seri ngjarjesh politike që mund të rrisin paqëndrueshmërinë në muajt e ardhshëm.
Investitori veteran David Ross, president i Strategjisë Quantum, tha të dielën se një presidencë e Trump, do të ishte një lajm i keq për tregjet duke pasur parasysh qëndrimin e tij proteksionist gjeopolitik.
“Tarifat do të dëmtojnë inflacionin dhe rritjen e SHBA-së. Shkurtimet e Fed të SHBA do të marrin fund”, theksoi ai, shkruan abcnews.al.Ndërkohë, Gareth Nicholson i Nomura,, tha se një presidencë e Trump do të sinjalizonte një “faktor rreziku negativ” të përgjithshëm për stoqet aziatike dhe Goldman Sachs tha gjithashtu se tregjet europiane gjithashtu do të goditeshin nga pasiguria e re për shkak të politikave tregtare të një administrate të re Trump.
