Presidentja e vendit, Vjosa Osmani, në Ditën Ndërkombëtare të Gruas, kujtoi të gjitha ato gra e vajza që nuk janë më në mesin tonë, e të cilat tha ajo u shndërruan në simbol rezistence, lufte dhe angazhimi për liri e barazi, shkruan, Kosova Post.
Tutje e para e shteti theksoi se “Forca, qëndrueshmëria dhe zelli juaj i pashoq për emancipim të vazhdueshëm, zhvillim e barazi qëndron fort në themelet e Republikës sonë. Sot, nesër dhe çdo ditë, me ju dhe për ju!”,
Postimi i plotë i presidentes Osmani në Facebook:
Në Ditën Ndërkombëtare të Gruas shënojmë arritjet e grave dhe vajzave dhe përpjekjet e jashtëzakonshme të tyre në Kosovë dhe kudo në botë për të drejta të barabarta.
Sot kujtojmë dhe të gjitha ato gra e vajza që nuk janë më në mesin tonë, e të cilat u shndërruan në simbol rezistence, lufte dhe angazhimi për liri e barazi.
Forca, qëndrueshmëria dhe zelli juaj i pashoq për emancipim të vazhdueshëm, zhvillim e barazi qëndron fort në themelet e Republikës sonë.
Sot, nesër dhe çdo ditë, me ju dhe për ju!
