Garda Kombëtare Ukrainase ka zmbrapsur një sulm të madh të mekanizuar nga forcat ruse në fushën e betejës në Pokrov, njoftoi Garda Kombëtare e Ukrainës.
Sulmi filloi të enjten dhe zgjati pak më shumë se shtatë orë, dhe Garda njoftoi se ishte një nga sulmet më të mëdha ruse.
Sipas të dhënave të Gardës Kombëtare, rusët humbnin deri në 40 këmbësorë, 13 motoçikleta dhe 3 mjete luftarake të blinduara në orë.
Gjeneral Oleksandr Pivnenko, komandant i Gardës Kombëtare, deklaroi se ushtarët e Brigadës së 14-të Chervona Kalyna zmbrapsën me sukses sulmin.
Raportohet se gjatë sulmit, u vranë ose u plagosën më shumë se 240 ushtarë rusë, ndërsa u shkatërruan më shumë se njëqind pjesë të pajisjeve ushtarake, përcjell Telegrafi.Ndryshe, sulmi vjen si pjesë e operacioneve gjithnjë e më intensive ruse në vijën e frontit në Ukrainën lindore, ku javët e fundit ka pasur veprime të përditshme sulmuese me humbje të larta nga të dyja palët.
