Në Londër për 19 minuta, prezantuesja e televizionit rus zbulon
Një prezantuese ruse thuhet se përdori një segment kohor në televizionin shtetëror për të treguar se sa shpejt mund të arrinte raketa e re ruse “Oreshnik” në kryeqytetet evropiane, përfshirë Londrën.
Sipas mediave të huaja, të cilat citojnë Presidentin Vladimir Putin, raketa e re me rreze të mesme veprimi mund të udhëtojë me një shpejtësi prej 2.5-3 kilometra (1.6-1.9 milje) në sekondë.
Moska tha se përdori raketën në Ukrainë javën e kaluar për herë të parë si hakmarrje për përdorimin e raketave me rreze të gjatë veprimi nga Kievi brenda Rusisë.
Gazetari i BBC-së, Francis Scarr, raportoi se prezantuesja e emisionit rus Olga Skabeyeva shfaqi një grafik se sa kohë do t’i duhej raketës për të arritur disa qytete evropiane dhe foli “me kënaqësi” për të.
Sipas grafikut, një raketë Oreshnik mund të arrijë në Londër për 19 minuta, shkruan A2 CNN.
