Gjatë ndërtimit të sallës së sportit në oborrin e një shkolle në fshatin Gargara (Simandra) në qytetin Halkidhiki të Greqisë, u has në një varrezë myslimane të mbetur nga periudha osmane, transmeton Kosova Post.
Bëhet e ditur se Ambasadori i Greqisë në Ankara u thërrit në Ministrinë e Punëve të Jashtme dhe filluan nismat në Ministrinë e Punëve të Jashtme të Greqisë nëpërmjet Ambasadorit të Turqisë në Athinë.
Në deklaratën e Ministrisë së Punëve të Jashtme të Turqisë shkruhet se pas lajmeve në media se gjatë një ndërtimi ishte hasur në një varrezë myslimane të mbetur nga periudha osmane, zyrtarë të Konsullatës së Përgjithshme e Turqisë në Selanik vizituan fshatin në fjalë dhe duke filluar menjëherë nismat tek autoritetet lokale greke kërkuan informacion në lidhje me këtë temë.
“Si rezultat i këtyre nismave u mësua se në zonën e përmendur të ndërtimit u gjetën 201 varre që u përkisnin paraardhësve tanë, por pa u informuar vendi ynë, mbetjet mortore janë marrë nën ruajtje nga autoritetet lokale në depon e Zyrës së Antikiteteve të Halkidhikit dhe Athos (Aynaroz). Pas sigurimit të këtij informacioni, Ambasadori i Greqisë në Ankara u thërrit në Ministrinë e Punëve të Jashtme dhe filluan nismat në Ministrinë e Punëve të Jashtme të Greqisë nëpërmjet Ambasadorit të Turqisë në Athinë. Në këto nisma, u kërkua një shpjegim në lidhje me faktin se vendi ynë nuk ishte informuar më parë për varret. Gjithashtu u kërkua ndalimi i menjëhershëm i punimeve të ndërtimit, varrosja e trupave me një ceremoni në përputhje me besimet tona fetare dhe vendi i varrimit tregohet si një varrezë myslimane”, shkruhet në deklaratën e Ministrisë së Punëve të Jashtme të Turqisë.trt