Policia e Kosovës bën të ditur se në Suharekë si pasojë e një zjarri janë djegur dje 10 hektarë me pemë, vreshta e pemishte.
Nga policia theksojnë se lidhur me rastin janë marrë të gjitha veprimet, ndërsa kanë filluar hetimet për zjarrin.
“Suharekë / 23.07.2024 – 17:00. Është raportuar se si pasojë e një zjarri që ka shpërthyer për shkaqe të panjohura është djegur një sipërfaqe prej rreth 10 hektarë (pemishte, vreshta dhe djerrinë). Lidhur me rastin janë ndërmarrë veprimet përkatëse edhe nga zjarrfikësit, derisa rasti i nënshtrohet procedurave hetimore”, thuhet në raportin 24 orësh të Policisë së Kosovës.
