Pedro Sanchez, kryeministri i Spanjës, ka njoftuar se do të qëndrojë në detyrën e tij.
Vendimi i tij vjen disa ditë pasi lideri spanjoll njoftoi papritur se po konsideronte dorëheqjen nga detyra, pasi një gjykatë e Madridit tha se kishte hapur një hetim ndaj gruas së tij, Begona Gomez, për korrupsion.
Në një fjalim dramatik mëngjesin e kësaj të hëne, Sanchez tha se vendosi të qëndrojë si kryeministër dhe bëri thirrje për një reflektim kolektiv.
Ai i bëri thirrje shoqërisë spanjolle që të bëhet shembull dhe frymëzim për botën.
“Kam vendosur të vazhdoj me më shumë forcë,” tha Sanchez në një fjalim drejtuar kombit, ku ai dënoi sulmet ndaj familjes së tij.
“T’i japim fund këtij llumi”, shtoi Sanchez duke iu referuar elementëve me lidhje me të djathtën ekstreme që inciuan nisjen e hetimeve.
Hetimi gjyqësor për gruan e Sanchez nisi pas një kallëzimi nga grupi “Duart e pastra”, kreu i të cilit ka lidhje me të djathtën ekstreme.
Grupi pretendoi se Gomez përdori ndikimin e saj si gruaja e kryeministrit për të siguruar sponsorë për një kurs master në universitetin që ajo drejtonte.
