Kombëtarja e Suedisë ka marrë një fitore të madhe sonte ndaj Serbisë.
Ishte kjo ndeshja e luajtur në kuadër të fazës së dytë të play-offit, për kualifikim në EURO 2025, në konkurrencën e femrave.
Për Suedinë, sonte u paraqit edhe futbollistja me prejardhje shqiptare, Kosovare Asllani.
Asllani madje shënoi gol në fitoren prej 6-0, duke tundur rrjetën e portës serbe në minutën e 19-të të takimit.
Suedia fitoi me rezultat të përgjithshëm prej 8-0 pas dy ndeshjeve, pasi paraprakisht më 28 nëntor kishte fituar 2-0.
Me fitoren e sotme, kombëtarja suedeze ka marrë rrugën për në Kampionatin Europian të vitit të ardhshëm, i cili do të zhvillohet në Zvicër.s.n.
