Aeroplani Loganaira në fluturimin LM711 lidh ishujt Westray dhe Papa Westray në arkipelagun Orkney të Skocisë. Fluturimi zgjat vetëm 53 sekonda, kur era është e favorshme dhe kur pasagjerët nuk kanë shumë bagazhe.
Me bagazhe dhe mot jo të favorshëm, udhëtimi mund të zgjasë dy minuta e 40 sekonda.
Kjo është kohëzgjatja e fluturimit më të shkurtër ajrore në botë, e cila hyri në Librin e Rekordeve Guinness.
Ky fluturim lidh Westrayn, një ishull në buzë të arkipelagut skocez të Orkneyt, me një nga ishujt edhe më të vegjël dhe më të largët të quajtur Papa Westray.
Linja funksionon gjatë gjithë vitit dhe është mjet shpëtimi për rreth 80 banorë të ishullit Papa Westray. Në verë ka edhe shumë të turistë, të etur për të shijuar arkipelagun e bukur.
Avioni fluturon dy deri në tre herë në ditë, por nuk është udhëtim i këndshëm. Përkatësisht, aeroplani ka madhësinë e një kamioni lëvizës për turizëm, zë vetëm tetë pasagjerë, zhurma është e madhe, nuk ka hapësirë e as tualet.
Pasagjerët nuk mund të zgjedhin se ku të ulen, por marrin ndenjëse që plotësojnë më së shumti kushtin e shpërndarjes së peshës në aeroplan, i cili arrin shpejtësi maksimale prej 240 kilometrash në orë.g.e.
