Nxënësit e shkollave ndërkombëtare Maarif të Kosovës i kanë shkruajnë letër Presidentit të Turkiye-s, Recep Tayip Erdogan dhe bashkëshortes së tij Emine Erdogan me rastin e 110 vjetorit të Fitores së luftës të Çanakkales dhe 104 vjetorit të miratimit të Himnit Kombëtar të Turkiye-s, njofton Kosova Post.
Administratorët e shkollave ndërkombëtare Maarif të Kosovës dhe nxënësit vizituan ambasadorin e Turqisë në Prishtinë, Sabri Tunç Angılı.
Studentët ia dorëzuan ambasadorit Angılı letrat që i shkruan presidentit Recep Tayyip Erdoğan dhe bashkëshortes së tij Emine Erdogan me rastin e 110-vjetorit të Fitores së Çanakkales dhe 104-vjetorit të miratimit të Himnit Kombëtar.
Ambasadori Angılı, bisedoi me secilin nxënës dhe deklaroi se letrat do t’ia përcjellë Presidencës.
Gjatë vizitës nxënësit i dhuruan ambasadorit Angılı edhe një pikturë që kishin përgatitur, ku përfshihej himni kombëtar dhe portreti i Mehmet Akif Ersoy.
Ambasadori Angılı falënderoi nxënësit për dhuratën dhe falënderoi shkollat Maarif për kontributin e tyre në forcimin e marrëdhënieve miqësore midis Turqisë dhe Kosovës.
Në anën tjetër, nxënësit e shkollave Maarif kanë ecur në këmbë nga qendra e qytetit të Prizrenit në jug të vendit drejt kalasë historike me rastin e 110 vjetorit të Fitores Detare të Çanakkalës.
Studentët marshuan me flamuj të Turqisë, Kosovës dhe Shqipërisë dhe një pankartë ku shkruhej “Me respekt i kujtojmë dëshmorët e Çanakkalës”, dhe në kala kënduan himnin kombëtar dhe këngën popullore të Çanakkalës.
Më shumë se 750 nxënës janë duke u shkolluar në degët e Prishtinës dhe Prizrenit të Shkollave Ndërkombëtare të Kosovës Maarif, e cila filloi aktivitetet e saj arsimore në vitin 2017./KosovaPost/
