Një rezolutë e Asamblesë së Përgjithshme të Kombeve të Bashkuara (OKB) që i bën thirrje Këshillit të Sigurimit të OKB-së të rishqyrtojë anëtarësimin e Palestinës në OKB, u miratua.
Kjo u realizua të premten, me 143 vota pro, nëntë vota kundër dhe 25 abstenime, raporton CNN, transmeton kk.
Rezoluta i bën thirrje Këshillit të Sigurimit që të “rishqyrtojë çështjen në mënyrë të favorshme” dhe thekson që Autoritetit Palestinez t’i jepet anëtarësimi në OKB, duke thënë se “Shteti i Palestinës është i kualifikuar për anëtarësim në Kombet e Bashkuara”.
Përpara fillimit të sesionit të OKB-së, Misioni i ShBA-së në OKB tregoi se nëse rezoluta miratohej dhe aplikimi për anëtarësim dërgohej në Këshillin e Sigurimit, ShBA-ja do të vendoste përsëri veton ndaj saj, duke thënë: “Ne presim një rezultat të ngjashëm me atë që ndodhi në prill.”
Misioni i ShBA-së tha se Autoriteti Palestinez nuk i plotëson kriteret për anëtarësimin në OKB dhe se rezoluta nuk zgjidh shqetësimet e ngritura më parë në lidhje me anëtarësimin palestinez.
Në prill, Autoriteti Palestinez rifilloi kërkesën e tij për anëtarësim dhe më vonë atë muaj, ShBA vuri veton ndaj përpjekjes palestineze për të arritur statusin e anëtarësimit.
Votimi në Këshillin e Sigurimit pa 12 anëtarë pro dhe një kundër, përveç vetos së ShBA.
Izraeli lavdëroi veton e ShBA-së, duke e quajtur ofertën palestineze një “propozim të turpshëm” ndërsa presidenca e Autoritetit Palestinez e quajti veton “të padrejtë, imorale dhe të pajustifikuar”.
Në shtator 2011, Autoriteti Palestinez nuk arriti të fitonte njohjen e OKB-së si një shtet anëtar i pavarur. Një vit më vonë, OKB-ja vendosi që statusi i “entitetit vëzhgues jo-anëtar” të Autoritetit Palestinez do të ndryshohej në “shtet vëzhgues jo-anëtar”, ngjashëm me Vatikanin.
