Presidentja e vendit, Vjosa Osmani ka shprehur ngushëllime për ndarjen nga jeta të gazetares ukrainase Olha Pridako, përcjell KosovaPost.
Osmani tha se Olha ishte një zë i guximshëm i gazetarisë dhe një dëshmi e forcës dhe qëndresës në rrethana të vështira.
Sipas Osmanit, prania e saj në Kosovë së bashku me djalin e saj Yaroslavin, ishte një shembull i shpirtit human dhe vlerës së lirisë, e cila i lidhë popujt tanë.
“Në këto çaste të rënda për familjen, shpreh ngushëllimet më të sinqerta për familjen e saj, veçanërisht për djalin Yaroslavin, koleget e saj që ndodhen në Prishtinë, dhe për të gjithë ata që e njohën! Kujtimi për Olhën do të mbetet gjithmonë në mendjet dhe zemrat tona!”, thuhet në telegramin ngushëllues të Osmanit.
