Me përfundimin e ndeshjeve të para të çerekfinaleve të Ligës së Kampionëve 2024-25, janë përditësuar parashikimet e sezonit nga superkompjuteri i Opta-s.
Megjithëse Barcelona shkatërroi Borussia Dortmundin me një fitore të thellë 4-0 në shtëpi të mërkurën, sërish Arsenali mbetet favorit për të fituar trofeun.
Ndërsa Barcelona arrin deri në fund në 25.9% të simulimeve më të fundit, ekipi i Mikel Artetës, Arsenal, mban kreun me 27.8% pas fitores mbresëlënëse 3-0 në shtëpi kundër Real Madrid të martën.
Barcelona (51.7%) dhe Arsenali (52.9%) arrijnë finalen në më shumë se gjysmën e simulimeve, duke u pozicionuar si ekipet që duhen mposhtur.
Por edhe Paris Saint-Germain arriti një fitore solide në ndeshjen e parë të mërkurën. Parizienët mposhtën Aston Villa-n 3-1 në “Parc des Princes” falë golave nga Désiré Doué, Khvicha Kvaratskhelia dhe Nuno Mendes, duke rritur shumë gjasat për të kaluar në gjysmëfinale (91.5%).
PSG e fiton për herë të parë titullin e Ligës së Kampionëve në 21.9% të simulimeve, duke qenë favoriti i tretë pas Arsenalit dhe Barcelonës dhe para Interit (19.8%) që triumfoi në ndeshjen e parë kundër Bayern Munich. Si funksionon modeli i superkompjuterit të Opta-s?
Modeli vlerëson probabilitetin e çdo rezultati (fitore, barazim apo humbje) duke përdorur kuotat e tregjeve të basteve dhe renditjet e fuqisë së ekipeve nga Opta. Këto kuota dhe renditje bazohen në performancat historike dhe ato të fundit të skuadrave. I gjithë kompeticioni simulohet 10,000 herë për të prodhuar një projektim përfundimtar për secilin ekip.s.net.
