Komiteti organizativ i Olimpiadës së Parisit tha të premten se operacionet e tij të TI-së janë ndikuar nga një ndërprerje globale kibernetike, vetëm një javë para fillimit të Lojërave.
“Ne kemi aktivizuar planet e emergjencës për të vazhduar operacionet,” tha komiteti organizativ në një deklaratë. Komiteti nuk dha menjëherë detaje se si u ndikuan operacionet e tij.
Një ndërprerje globale e teknologjisë ka prishur operacionet në shumë industri të premten, që nga linjat ajrore që ndaluan fluturimet, disa televizione e radio që ndërprenë transmetimin dhe gjithçka, deri te bankat e kujdesi shëndetësor, që u goditën nga problemet e sistemit.
Përshkallëzimi i ndërprerjeve vazhdoi disa orë pasi kompania e teknologjisë Microsoft tha se po rregullonte gradualisht një problem që ndikonte në aksesin e aplikacioneve dhe shërbimeve të Microsoft 365.
Faqja e internetit DownDectector, e cila gjurmon ndërprerjet e internetit të raportuara nga përdoruesit, regjistroi ndërprerje në rritje në shërbimet në Visa, sigurinë ADT dhe Amazon, dhe linja ajrore duke përfshirë American Airlines dhe Delta.
Microsoft 365 postoi në X se kompania “po punonte në ridrejtimin e trafikut të ndikuar me sisteme alternative për të lehtësuar pasojat në një mënyrë më të përshtatshme” dhe se ata “po vëzhgonin një prirje pozitive në disponueshmërinë e shërbimit”.s.n.
