Parma ka njoftuar zyrtarisht emërimin e ish-mbrojtësit të Romës dhe Interit, Cristian Chivu, si trajner të ri të klubit pas largimit të Fabio Pecchia-s të hënën.
Chivu ka vënë në letër një kontratë që do të zgjasë deri në fund të sezonit 2025-26, sipas raportimeve nga “Sky Sport Italia”, përcjellë KosovaPress.
Rumuni ka sjellë me vete edhe stafin e tij, i përbërë nga ndihmës trajneri Antonio Gagliardi, asistenti teknik Angelo Palombo dhe trajneri i portierëve Nicola Pavarini.
Chivu e filloi karrierën e tij si trajner me skuadrat e të rinjve të Interit, përpara se të fitonte licencën UEFA Pro nga kursi FIGC në Coverciano në 2019. Prej aty, ai u promovua për të drejtuar skuadrën U17 të Interit, U18 dhe më vonë ekipin Primavera. Parma do të jetë skuadra e parë e nivelit të lartë që ai ka trajnuar në karrierën e tij deri më sot, përcjellë KosovaPress.
Parma aktualisht ndodhet në vendin e 18-të në tabelën e Serisë A me një total prej 20 pikësh pas 25 ndeshjesh, që do të thotë se Chivu-së i kanë mbetur edhe 13 ndeshje për ta shpëtuar atë nga rënia në Serie-
