Anderson Talisca është shumë afër transferimit te Fenerbahçe. Trekuartisti brazilian 30-vjeçar, sipas informacioneve të fundit të publikuara nga eksperti i njohur i merkatos, Fabrizio Romano, do të largohet nga Al Nassr, ku luan edhe Cristiano Ronaldo.
Ish-futbollisti i Benfikës dhe Evergrande-s, ndër të tjera, është vërtet shumë pranë për t’i thënë lamtumirë Arabisë Saudite dhe për t’u rikthyer në Europë, nën urdhrat e José Mourinhos, për të luajtur në Superligën turke.
Palët janë gati të finalizojnë transferimin, dhe detajet e marrëveshjes janë duke u mbullur. Ky transferim do t’i mundësojë brazilianit të rikthehet në Turqi, ku ka pasur pwrvojw te Beshiktashin.
Anderson Talisca është duke përfunduar sezonin e tij të katërt me Al Nassr, por interesimi i madh nga klubi i Stambollit ka arritur ta bindë. Në këtë sezon, ai ka shënuar tetë gola në 19 ndeshje. Nëse marrëveshja do të realizohet, klubi saudit është tashmë i përgatitur të plotësojë boshllëkun e krijuar nga largimi i Talisca-s, duke angazhuar menjëherë një zëvendësues gjatë merkatos së janarit.
Jo vetëm një përforcim
Sipas spekulimeve të fundit të dalura sot nga Turqia, trajneri i Fenerbahçe-së po mendon të përforcojë mbrojtjen me një profil me përvojë të madhe ndërkombëtare si Aymeric Laporte, mbrojtësi i lindur në vitin 1994, aktualisht pjesë e Al Nassr.
Qendra mbrojtëse franko-iberike pëlqehet nga trajneri portugez për aftësinë e tij për të ndërtuar lojën nga mbrojtja, të përmirësuar gjatë viteve të shumta te Manchester City i Pep Guardiolës, ku ka fituar gjashtë tituj, si dhe për eksperiencën e tij. Dy cilësi shumë të vlerësuara nga Mourinho, i cili ia ka rekomanduar profilin drejtuesve të klubit në kuadër të merkatos së janarit.s.n.
