Kamala Harris u shfaq për herë të parë krah Presidentit në detyrë, Joe Biden, që nga humbja e demokratëve në zgjedhjet 5 nëntorit 2024.
Presidenti i SHBA vendosi të hënën një kurorë për të nderuar ushtarët e rënë të vendit në Ditën e Veteranëve, një ngjarje që shënon paraqitjen e tij të parë me zv.Presidenten, që nga humbja e saj në zgjedhje javën e kaluar.
Ceremonia, në Varrezat Kombëtare të Arlingtonit, është gjithashtu hera e parë që Harris është parë në publik që nga fjalimi i saj i 6 nëntorit, në të cilin ajo pranoi humbjen në zgjedhjet presidenciale.
Demokratët, duke u përballur me një llogari të dhimbshme për shkak të drobitjes së tyre, kanë filluar diskutime të brendshme – me disa fajësime jo dhe aq private – mbi atë që shkaktoi humbjen e Harris, ku disa vënë në dukje këmbënguljen fillestare të Biden për të kandiduar sërish në moshën 81-vjeçare, pavarësisht se kishte premtuar për të qenë një president urë për gjeneratën e ardhshme.
Më herët të hënën, Biden priti veteranët në Shtëpinë e Bardhë për të shënuar festën përpara se të shkonte në Arlington, vendi i fundit i prehjes së dy presidentëve, gjeneralëve nga të gjitha luftërat e mëdha amerikane dhe mijëra personelit të tjerë ushtarakë.
Biden dhe Harris, të dy të veshur me kostume të errëta, vendosën duart në kraharor përpara se të merrnin pjesë në një ceremoni të vendosjes së kurorave në Varrin e Ushtarit të Panjohur.
Presidenti vijoi të mbajë fjalën në Amfiteatrin Memorial të varrezave, duke falënderuar veteranët për shërbimin dhe sakrificën e tyre.
Ceremonia vjen përpara se Biden të presë Trump në Shtëpinë e Bardhë të mërkurën.
Republikani ka filluar të emërojë besnikët e tij në administratën e re.
Ai njoftoi se do të rikthejë një zyrtar të linjës së ashpër të imigracionit, Tom Homan, për të shërbyer si i ashtuquajturi “cari kufitar” dhe kongresmenja e djathtë Elise Stefanik si ambasadore e SHBA në Kombet e Bashkuara.
Vetë Trump ka pretenduar prej kohësh se është një mbështetës i ushtrisë amerikane.
