Ashtu siç ndodhi me pishinën e Gërmisë sivjet ku komuna menaxhimin e saj ia dha një operatori ekonomik, njëjtë do të ndodhë edhe me tregun tashmë tradicional “Verë N’Dimër” apo edhe “Akull N’Verë”.
Ndërmarrja lokale “Sport Marketing” po e arsyeton këtë vendim për shkak të mungesës financiare që kanë. Tashmë “Sport Marketing” ka përfunduar thirrjen për ofertuesit, madje edhe ka përzgjedhur operatorin fitues, që do të bëjë bashkë-menaxhimin e këtyre tregjeve që përfshinë edhe planin e ngjarjeve kulturore e artistike me kontratë pesë vjeçare.
Lëvizja Vetëvendosje si partia më e madhe opozitare në Prishtinë nuk pajtohet me vendimin dhe arsyet e dhëna. Për me tepër LVV thekson se ky vendim i marr rishtas tregon qartë se qeverisja aktuale e Prishtinës, nuk është aftë të menaxhojë, meqë diçka e ngjashme fillimisht ndodhi edhe me pishinën publike, transmeton Klankosova.tv.
“Kjo forja e tyne që e kanë zbulu për bashkë-menaxhim e tregon paditurinë e tyre për punë të mirë në kryeqytet, kur këta njerëz nuk janë kanë në gjendje të menaxhojnë një pishinë të Gërmisë, cka mundet me u pritë prej këtyne se dijnë me bo”, është shprehur Petrit Reçica nga kjo parti.
Ndërsa për partinë tjetër tashmë në opozitë, kryetari Përparim Rama i ka tejkaluar vijat e kuqe në marrjen e vendimeve e të cilat nuk i përkasin. Sipas PDK-së, Rama, nuk e përfill as një ligj të Republikës së Kosovës e që sipas tyre edhe do të njihet si kryetari që e ka shkelur më së shumti drejtësinë kosovare.
Shuma vjetore, për këtë kontratë është 180 mijë euro
Kronikë nga Blerinë Doshlaku:
