Manchester City i ka vendosur sytë kah një shënjestër e re për të përforcuar vijën e mbrojtjes: Destiny Udogie.
Italiani i ri, aktualisht te Tottenhami, mund të bëhet një pjesë e rëndësishme e planifikimeve të Pep Guardiolës për sezonin e ardhshëm.
Si 22-vjeçar, profili i tij si lojtar ka marrë vëmendjen e kampionit në fuqi të Premierligës, i cili po eksploron mundësi të reja për të mbuluar anën e majtë të mbrojtjes.
Interesimi i “Qytetarëve” vjen nga nevoja për të forcuar një pjesë të formacionit, aty Josko Gvardiol është detyruar të luajë për pjesën më të madhe të sezonit, ndonëse nuk është pozita e tij natyrale.
Largimi i Sergio Gomez verën e kaluar ka lënë një zbraztësi që ende nuk është mbushur, dhe edhepse emra si Andrea Cambiasso janë ende në tavolinë, Udogie përfaqëson një alternativë atraktive, shkaku i potencialit të tij dhe përvojës në futbollin anglez.
Lojtari i lindur në Verona, dhe i trajnuar në akademinë e Hellas Veronas, u rrit te Udinese para se të transferohej në Londër.
Ndonëse performancat e tij kanë qenë jo me vazhdimësi, ai ka luajtur një numër të mirë të minutave dhe ka treguar kualitete që mund të përshtatet shumë lehtë me stilin e lojës së Cityt.
Me më shumë se 50 ndeshje me Tottenhamin dhe 11 paraqitje me kombëtaren e Italisë, Udogie ka tërhequr interesim nga top klube europiane. Megjithatë, nënshkrimi i tij nuk do të jetë i lehtë, shkruan gazeta express. Klubi nga Londra Veriore e vlerëson potencialin e tij dhe është e paqartë nëse do të negociojë për largimin e tij këtë verë.
