Presidentja e Kosovës, Vjosa Osmani, ka shtruar iftar për ushtarët turq të cilët shërbejnë me misionin e KFOR-it, ndërsa i ka falënderuar ushtarët për angazhimin e tyre në misionin ushtark në Kosovë, përcjell Kosova Post.
Presidentja Osmani, gjithashtu theksoi se Turqia është ndër shtetet me kontributin më të madh në kuadër të KFOR-it.
“Me qindra ushtarë në Kosovë, Turqia është ndër shtetet me kontributin më të madh në kuadër të KFOR-it. Prandaj, mbrëmë, në një iftar të përbashkët, i falenderova të gjithë ushtarakët që shërbejnë larg vendit e familjeve të tyre në mënyrë që të ketë paqe e siguri në Kosovë”, shprehet Osmani.
