Fitorja 3-0 ndaj Qipros në stadiumin “Fadil Vokrri” e ka rregulluar goxha golavarazhin e kombëtares së Kosovës në futboll.
“Dardanët” mbeten 3 pikë prapa Rumanisë, me tri fitore e e një humbje, kurse kanë realizuar nëntë gola e pranuar katër, raporton Klankosova.tv.
Ndërkohë Rumania s’ka asnjë humbje apo barazim, kurse kanë shënuar plot 11 herë, me vetëm dy gola të pranuar.
Për t’ia rrëmbyer vendin parë rumunëve, reprezentacioni kosovar duhet të fitojë në Bukuresht me tri gola diferencë, aq sa Rumania fitoi në Prishtinë, njofton Klankosova.tv.
E për ta përfunduar dilemën e liderit, duhet fituar mirë edhe ndaj Lituanisë në stadiumin “Fadil Vokrri” në kryeqytet.
Çdo rezultat tjetër me Rumaninë, do ta pamundësonte “glorifikimin”.
