Votimi përfundoi në balotazhin e parë presidencial të Turqisë, pasi qendrat e votimit u mbyllën.
Kreu i Këshillit të Lartë Zgjedhor të Turqisë (YSK), Ahmet Yener, u tha gazetarëve se votimi ka përfunduar në orën 17:00 me orën lokale dhe se nuk është raportuar asnjë problem.
“Asnjë çështje negative nuk është raportuar pas zgjedhjeve presidenciale të Turqisë,” tha ai, duke shtuar se kundërshtimet janë trajtuar nga autoritetet përkatëse.
Më shumë se 64.1 milionë njerëz janë regjistruar për të votuar, duke përfshirë mbi 1.92 milionë të cilët tashmë kanë votuar në qendrat e votimit jashtë shtetit, raporton Daily Sabah.
Gjithsej 191.885 kuti votimi janë ngritur për votuesit në vend.
Votimi jashtë shtetit u mbajt deri më 24 maj. Sa për portat doganore, votuesit mund të hedhin votën e tyre derisa qendrat e votimit vendas të mbyllen të dielën në orën 17:00 me orën lokale
Miliona votues shkuan në kutitë e votimit më 14 maj për të zgjedhur presidentin e vendit dhe anëtarët e Parlamentit prej 600 vendesh.
Aleanca Popullore e Erdoganit fitoi një shumicë kundër Aleancës Kombeve gjashtëpartiake të opozitës në Parlament.
