Sllovakia ka marrë 2 avionët e parë luftarakë F-16, nga 14 të tillë, një lëvizje përmes së cilës synon të zëvendësojë avionët e vjetër rusë që ja ka dhuruar tashmë Ukrainës.
Vitin e shkuar Sllovakia i dorëzoi avionë të vjetër luftarakë, prodhim rus, MIG-29 Ukrainës, që ti përdorë në luftë kundër Rusisë. Ato kishin nevojë për pjesë këmbimi dhe mirëmbajtje sepse nuk ishin përdorur dhe ngritur në fluturim prej kohës por tani situata, i bën të gjithë të jenë gati për çdo rast. Prej vitit të shkuar po ashtu, avionë sllovakë janë ngritur vazhdimisht për patrullime ajrore, edhe në fqinjët e Europës qendrore.
Sllovakia, anëtare e NATO-s, e cila shtrihet në pjesën lindore të aleancës ushtarake, pritet që të marrë pjesën tjetër, 12 avionë F-16, deri në fund të këtij viti. Avionët e parë mbërritën në shtëpi, prodhim i kompanisë Lockhead Martin. Pagesat për to janë bërë që prej fillimisht të vitit por nga ajo kohë kanë qëndruar në shtetet e bashkuara për trajnime dhe mirëmbajtje. Me kompaninë amerikane Lockhead Martin, Sllovakia ka firmosur një marrëveshje që në vitin 2018, shumë para se Rusia të nisë pushtimin e Ukrainën, përmes së cilës siguroi 14 avionë luftarakë, modern, me vlerë 1.6 miliardë dollar. Dërgesat e para u shtynë në kohë për shkak të pandemisë Covid-19 e më pas për shkak të luftës, shkruan A2CNN.Qeveria e re e Sllovakisë, nën drejtimin e kryeministrit Robert Fico, në pushtet që prej vitit të shkuar, i dha fund ndihmës shtetëror ushtarake për Ukrainën dhe tani kërkon një hetim të detajuar për donacionet e ndihmën e administratës së mëparshme, që i dhuroi avionët MIG-29 Ukrainës.
