Policia e Kosovës bën të ditur se pesë persona në Podujevë janë përleshur si pasojë e një mosmarrëveshje në komunikacion.
Tutje thuhet se gjatë përleshjes dyshohet se ka pasur edhe shkrepje arme.
Në vendin e ngjarjes janë gjetur tri gëzhoja të AK47.
“SULM /SHKAKTIM I RREZIKUT TË PËRGJITHSHËM- Podujevë / 14.04.2024 – 17:50. Janë arrestuar pesë të dyshuar meshkuj kosovarë për shkak se pas një mosmarrëveshje në komunikacion janë përfshirë në një përleshje ndërmjet vete. Në vendin e ngjarjes janë gjetur dhe sekuestruar tri gëzhoja që dyshohet se janë të armës AK47. Katër nga të dyshuarit pas inicimit të rastit janë liruar në procedurë të rregullt, ndërsa njëri prej të dyshuarve që dyshohet se ka shtënë me armë në ajër me vendim të prokurorit është dërguar në mbajtje.”
