Presidenti i Brazilit, Luiz Inácio Lula da Silva, po kalon një periudhë të vështirë shëndetësore, pasi i është nënshruar një operacioni për shkak të një hemorragjie në tru.
Problemet shëndetësore filluan pas një aksidenti në muajin tetor të këtij viti, kur ai u rrëzua në ambientet e banesës dhe u dëmtua në kokë.
Pas aksidentit Lula pati komplikacione të rënda që çuan në shqetësim të madh për gjendjen e tij shëndetësore.
Aktualisht, presidenti është nën kujdes intensiv në një spital në São Paulo, pasi iu nënshtrua një operacioni për të trajtuar hemorragjinë. Sipas një njoftimi nga presidenca e Brazilit, Lula ndodhet në gjendje të qëndrueshme dhe është duke u monitoruar vazhdimisht. Në ditën e hënë, presidenti u nënshtrua ekzaminimeve mjekësore pas ankesave për dhimbje koke.
Testet zbuluan një hemorragji intrakraniale, e cila kërkoi transferimin e tij në São Paulo për një ndërhyrje kirurgjikale, shkruan euronews.al.Mediat ndërkombëtare raportojnë se presidenca ka siguruar qytetarët se Lula është duke iu përgjigjur trajtimit dhe se po merr kujdesin e duhur.
