Udhëheqësit e BE-së vendosën të ndalojnë rrugëtimin e Gjeorgjisë drejt anëtarësimit në Bashkimin Evropian lidhur me një ligj të ri për organizatat joqeveritare (OJQ) që marrin fonde të huaja.
Sipas rregullave, mediat e pavarura dhe organizatat e tjera të shoqërisë civile duhet të regjistrohen si “agjentë të huaj” dhe t’i japin informacion shtetit nëse marrin më shumë se 20% të financimit të tyre nga jashtë.
”Legjislacioni për OJQ-të përfaqëson një hap prapa nga kushtet e vendosura për anëtarësimin e Gjeorgjisë në bllok”, thuhet në një deklaratë nga udhëheqësit e BE.
Deklarata u bën thirrje autoriteteve gjeorgjiane të ndryshojnë rrugën aktuale të veprimit që rrezikon rrugën e Gjeorgjisë drejt BE-së, duke e ndalur në mënyrë efektive procesin e pranimit.
Gjeorgjia është kandidate zyrtare për anëtarësim në BE që nga dhjetori 2023.
Protestat masive në Gjeorgji dhe ndërhyrja e BE-së dhe e Shteteve të Bashkuara, të dyja kundër ligjit, nuk kanë arritur të lëvizin qeverinë.atsh.al.
