Aksion policor në prag të ndeshjes Dinamo Kiev – Lazio, që do të zhvillohet sonte në Hamburg të Gjermanisë, e para për fazën e grupeve në Europa League.
40 ultras bardhekaltër u ndaluan nga policia gjermane dhe më pas u liruan pas disa orësh pasi iu gjetën disa objekte të ndaluara. Pas identifikimit, tifozët u lanë të lirë, por nuk do të mund të ndjekin ndeshjen e mbrëmjes së sotme në “Volksparkstadion” dhe u ndalohet të afrohen në zona të caktuara të qytetit. Megjithatë, ndaj tyre nuk është lëshuar asnjë detyrim riatdhesimi.
Deklarata e Lazios
“Në lidhje me lajmet e qarkulluara në shtyp, duhet theksuar se këtë natë është kryer një operacion kontrolli ndaj një grupi subjektesh të pranishëm në qendër të qytetit.
Gjatë kontrollit janë gjetur objekte që mund të shkaktojnë dëme fizike. Grupi u arrestua nga policia dhe iu ndalua hyrja në stadium. Nuk ka pasur të arrestuar. Ftohen tifozët e Lazios të ndjekin informacionin e dhënë tashmë nga klubi për të arritur në stadiumin e Hamburgut në kushte të sigurta”.s.n.
