Policia e Kosovës ka nisur një aksion në disa lokacione nëpër rajonet e Kosovës. Cak raportohet se janë strukturat paralele që operojnë në territorin e Kosovës.
Aksioni ka filluar që nga mëngjesi dhe po zhvillohet në rajonin e Prishtinës, Gjilanit, Gjakovës e Mitrovicës së Jugut.
Lajmin e ka konfirmuar për Gazetën Express Baki Kelani, zëdhënës i Policisë së Kosovës.
“Mund të konfirmojmë se, sot në orët e hershme të mëngjesit, Policia e Kosovës në bashkëpunim dhe koordinim me institucionet kompetente ka filluar realizimin e një operacioni policor i cili përfshinë disa rajone të Kosovës, si DRP Prishtinë, DRP Gjilan, DRP Gjakovë dhe DRP Mitrovicë Jugu”.
“Pas përfundimit të operacionit policor, do të bëhen publike informacione shtesë”, ka thënë ai për Express.
