Policia e Kosovës bën të ditur se në Zubin Potok është sekuestruar mall i kontrabanduar.
Sipas policisë bëhet fjalë për produkte të mishit, alkool, produkte higjienike e medikamente medicinale.
“Njësia doganore dhe njësitë policore, me autorizim të prokurorit, nën dyshimin për mall të kontrabanduar, kanë hapur me forcë dy dyer të një shtëpie. Gjatë kontrollit në shtëpi, nga zyrtarët doganorë është sekuestruar: një automjet i udhëtarëve, 82 pako me produkte mishi, 3 bidonë me nga 100 litra alkool dhe 11 shishe qelqi x 20 litra alkool, produkte higjienike dhe 81 pako medikamente medicinale (barëra). Rasti në hetime”, thuhet në raportin 24 orësh të Policisë së Kosovës.
