Presidenti francez Emmanuel Macron po shkon drejt humbjes së shumicës absolute në Asamblenë Kombëtare dhe kontrollit të axhendës së tij të reformave, pasi sondazhet e para nga katër anketues treguan se zgjedhjet e së dielës sollën një parlament të varur nga koalicionet.
Aleanca “Së bashku” e Macronit ka garuar me grupin NUPES të së majtës në rundin e parë të zgjedhjeve.
Kryetarja e ekstremit të djathtë, Marine Le Pen , tha sonte se do të kërkojë të bashkojë të gjithë “patriotët” jo vetëm nga e djathta por edhe nga e majta, pas rritjes së papritur të pushtetit të partisë së saj në zgjedhjet parlamentare.
📹 Au-delà d’un groupe parlementaire historique, nous allons poursuivre le travail de rassemblement des Français au sein d’un grand mouvement populaire, unifiant les patriotes de droite et de gauche, pour engager le redressement dont la France a besoin. #Législatives2022 pic.twitter.com/3poC9bhX8m
— Marine Le Pen (@MLP_officiel) June 19, 2022
“Populli vendosi të dërgojë një grup të fortë parlamentar të Alarmit Kombëtar në Asamblenë Kombëtare . Ky grup do të jetë më i madhi në historinë e partisë sonë. Ne i kemi arritur qëllimet tona: të bëjmë Emanuel Macron president të pakicës, pa kontroll të pushtetit,” shkruan Marine Le Pen në Tëitter.
Le Pen premtoi se partia e saj do të jetë një opozitë “e ashpër”, por në të njëjtën kohë “përgjegjëse” dhe do të respektojë institucionet.
Vetë Le Pen është zgjedhur anëtare e parlamentit në rajonin Enen-Beaumont .
