Presidentja e Kosovës, Vjosa Osmani do të marrë pjesë në varrimin e Ismail Kadaresë.
Ndryshe në nderim të shkrimtarit Ismail Kadare, i cili u nda nga jeta mëngjesin e kësaj të hëne, qeveria shqiptare ka vendosur shpalljen ditë zie kombëtare të martën dhe të mërkurën (2 dhe 3 korrik).
Në të gjitha institucionet shtetërore dhe publike, flamuri kombëtar do të ulet në gjysmë shtizë përgjatë këtyre dy ditëve.
Homazhet publike dhe ceremonia shtetërore për shkrimtarin e ndjerë do të organizohen në mjediset e Teatrit Kombëtar të Operës dhe Baletit më 3 korrik, nga ora 9:00 deri në orën 11:00 dhe nga ora 11:30 deri në orën 12:30.
Po ashtu, në nderim të kolosit të letrave shqiptare, më 3 korrik, në orën 13:00 do të mbahet një minutë heshtje.
Ismail Kadare është ndarë nga jeta mëngjesin e së hënës në Qendrën Spitalore Universitare “Nënë Tereza”.
