Presidentja e Kosovës, Vjosa Osmani pak para fillimit të edicionit të dytë të Forumit për Gratë, Paqen dhe Sigurinë iu është adresuar qytetarëve përmes një video-mesazhi.
Osmani ka thënë se është hera e dytë që e organizojmë këtë forum ndërkombëtar që mbledh mbi 700-800 përfaqësues nga mbi 40 shtete të botës.
Fuqizimi i zërit të grave – Forumi për Gratë, Paqen dhe Sigurinë sjell 40 personalitete ndërkombëtare në Prishtinë
“Do të kemi liderë nga vendet e rajonit dhe botës, do të kemi president, kryeministra, ministra, ekspertë, etj. Do ta kemi në skenë të përfaqësuar edhe zërin e të mbijetuarve të dhunës seksuale gjatë lutës në Kosovë kjo është tema bosht sepse duam t’i tregojmë botës jo vetëm për krimet që janë kryer nga Serbia në Kosovë por në të njëjtën kohë duam t’i tregojmë botës për fuqinë, rezistencën dhe guximin e pashoq të të mbijetuarve të dhunës gjatë luftës dhe sistemet që kemi ndërtuar për ti mbështetur”, tha Osmani, shkruan telegrafi.Presidentja ftoj qytetarët që ta përcjellin këtë forum dhe ti dëgjoni rrëfimet nga Kosova dhe gjithë bota.
