Presidentja e Kosovës, Vjosa Osmani, ka uruar Ditën e Kushtetutës, ndërsa është shprehur se Kushtetuta e vendit është udhërrëfyese dhe se zbatimi i saj e ndihmon Kosovën drejt integrimit në familjen euroatlantike, transmeton Kosova Post.
“Kushtetuta jonë është udhërrëfyese, ndaj zbatimi pakompromis i saj na ndihmon dhe përshpejton procesin tonë integrues drejt familjes së madhe euroatlantike”, tha presidentja e vendit.
Presidentja ndërsa kujton ditën e miratimit, thekson se “në këtë ditë që është normë supreme, e cila përcakton identitetin dhe vlerat e shoqërisë sonë demokratike, rikonfirmojmë përkushtimin tonë institucional për zbatimin dhe afirmimin e këtyre vlerave”.
Kujtojmë se sot bëhen 16 vjet që nga miratimi i Kushtetutës së Republikës së Kosovës. Miratimi i saj ishte një moment historik që shënoi fillimin e një epoke të re për Kosovën
Kushtetuta e Kosovës u ratifikua më 9 prill 2008 dhe hyri në fuqi më 15 qershor të të njëjtit vit.
