Presidentja Vjosa Osmani e ka ngushëlluar familjen dhe komunitetin e gazetarëve për vdekjen e një prej emrave të rëndësishëm të gazetarisë në Kosovë, Zijadin Gashit.
“Karriera e gjatë dhe kontributi i tij në median e shkruar, elektronike dhe televizive u karakterizuan nga integriteti dhe angazhimi i palëkundur për informim të publikut, saktë dhe në mënyrë profesionale”, ka shkruar Osmani.
Presidentja tutje ka thënë se Gashi ka qenë gazetar i përkushtuar, që tërë jetën ia kushtoi punës në media.
