Profesoresha serbe e neuropsikologjisë dhe psikiatrisë antropologjike Mila Aleckoviq e ka përshkruar presidentin e Serbisë Aleksandar Vuçiq njeri me narcisizëm të tepruar psikopatik dhe që në fakt nuk i bën gjërat me ndershmëri.
Në një intervistë për televizionin serb KTV televizivja ajo ka komentuar pjesëmarrjen e presidentit serb në varrimin e 14 viktimave që humbën jetën nga shembja e strehës së stacionit hekurudhor në Novi Sad të Serbisë.
“Plotfuqishmëria psikologjike dhe gjithëprania e atij njeriu në evente të ndryshme është shumë shqetësuese. Vetë akti i të shkuarit në një shërbim përkujtimor nuk është i keq. Kjo në vetvete mund të jetë një gjest human, nëse nuk është rasti i një personi që ka këtë narcisizëm të tepruar psikopatik dhe që në fakt nuk i bën gjërat me ndershmëri, por shkon më shumë për të bërë një foto diku”, tha Aleçkoviq.
Pas këtij rasti tragjik që mori jetën e 14 vetëve, opozita serbe, e cila akuzon autoritetet besnike ndaj presidentit serb, Aleksandar Vuçiq, për korrupsion enorm dhe nepotizëm, ka bërë thirrje për protesta në Novi Sad. Protestat po vazhdojnë, shkruan gazeta express.Vuçiq, popullist dhe aleatët e tij, hedhin poshtë këto pretendime.
