Profesori universitar, njëherësh intelektuali i spikatur, Hysamedin Feraj ka reaguar pas deklaratës së ish-të burgosurit politik Avni Klinaku, i cili kishte thënë se Albin Kurti, gjatë qëndrimit në burgun e Nishit, kishte refuzuar të pinte kafe me pjesëtarët e UÇK-së që ishin të burgosur, transmeton Kosova Post.
Përmes një postimi në rrjetet sociale, Feraj u shpreh me tone ironike duke vënë në dyshim vërtetësinë e pretendimeve të Klinakut.
“Ndoshta me ty, jo. Të tjerët kanë dëshmuar të kundërtën. Apo po thua se vërtet është njohës i talentuar njerëzish? Po thua se të kishte njohur që atëherë siç je sot?”, ka shkruar Feraj.
Reagimi i tij vjen pas debatit të ndezur publik që ka nxitur intervista e Klinakut, ku i fundit sajon mbi sjelljen e Kurtit në periudhën e burgosjes së tij.
Ky shkëmbim deklaratash ka rikthyer në vëmendje raportet dhe perceptimet për figurat kryesore të politikës kosovare gjatë viteve të pasluftës, duke ngjallur reagime të shumta në rrjetet sociale.
