Paris Saint-Germain dëshiron të forcojë mesfushën dhe ka vënë syrin te ylli i Real Madridit, Eduardo Camavinga.
Sipas “Fichajes”, klubi francez po përgatit një ofertë prej 80 milionë euro për ta marrë atë nga Real Madridi këtë verë.
PSG e sheh Camavingën si një përforcim kyç, veçanërisht me Fabian Ruiz që mund të largohet.
Luis Enrique beson se mesfushori francez do të sillte energji dhe ekuilibër në skuadrën e tij nga sezoni i ardhshëm.
Camavinga mbetet i rëndësishëm për Real Madridin, por nuk ka qenë gjithmonë një titullar i rregullt nën drejtimin e Carlo Ancelottit.
Konkurrenca e fortë në mesfushë ia ka kufizuar kohën e lojës.
Mbetet për t’u parë nëse Real Madridi do ta konsiderojë shitjen e tij.
Camavinga ka kontratë deri në vitin 2027 dhe më parë ka deklaruar se është i lumtur në klub.s.n.
