José Maria Callejon ka vendosur t’i japë fund karrierës së tij si futbollist profesionist. Ish-anësori i Napolit dhe Fiorentinës ka caktuar ditën e fundit të karrierës së tij: e shtuna, më 24 maj 2025, në ndeshjen mes Marbella-s dhe Antequera, që do të zhvillohet në Banus Football Center.
Kjo sfidë, vendimtare për qëndrimin në Primera Federación për ekipin e Marbella-s, do të jetë gjithashtu momenti i fundit në fushë për futbollistin spanjoll 38-vjeçar, i cili ka lënë gjurmë të thella edhe në Serinë A me paraqitjet e tij te Napoli dhe më pas te Fiorentina.
Pas më shumë se një dekade në elitën e futbollit europian, Callejon i jep fund një kapitulli të gjatë e të suksesshëm, i njohur për shpirtin luftarak, saktësinë para portës dhe kontributin e tij të pakursyer në fushë.s.n.
